Dis ook ‘n land van kontras. Dele van die land is woes en moeilik bewoonbaar, ander dele word
weer baie koud of nat. Mense is maar oral dieselfde, dit hang af wat jy daarvan maak
Die klimaat is matig met snerpende winde wat by tye onverwags toeslaan. Daar is darm baie sonskyn dae ook, maar selde sonder ‘n wolkie wat hang in die lug. Mens kan wakker word met reën teen die ruite, lekker weer vir ‘n paar ure en namiddag sak dit weer toe. Vier seisoene in ‘n dag!
Visvang! Voor Nieu Seeland het ek net geken van hengel. Jy weet… bietjie pap, vanielje essens en ses biere later dan gaan ons huistoe…sonder aandete. Maar hier,
hier VANG jy vis. Dis te danke aan natuurbewaring wat streng oor hul viswaters toesig hou. Verder is daar geen slange nie, en skaars giftige spinnekoppe. Die grootste aanpassing is die hout huisies. Jongie as jy gewoond is aan ‘n soliede baksteen huis, dan gaan dit maar sukkel.
Besigheid gebeur in die groot stede, wat sowat drie vyfdes van die 5miljoen populasie huisves. Daar is ook areas wat al amper as ‘Little South Africa’ bekend staan vanwee al die Suid- Afrikaners en Zimbabwiërs wat daar bly. Browns bay se kombuis naam is nou al De Bruins Baai, en Howick is nou sommer ‘Chow-Fontein’, want daar’s Chinese ook.
Die land het ons ‘n oasis gebied in die storms van die verlede, en hulle bestuur aan dieselfde kant van die pad! So, kry een of twee ‘hofl ike’ padreëls onder die knie
en Nieu Seeland is jou oester.
