Afrikaanse Krokodil Grappe

• Die krokodil is spesiaal so laag gebou, want hoe platter hoe swemmer.
• Voor aan ‘n krokodil sit die kop. Die kop bestaan byna net uit tande.
  Agteraan die krododil groei die stert. Tussen die kop en die stert sit die krokodil.
• ‘n Krokodil sonder ‘n stert noem ons ‘n rotweiler.
• ‘n Krokodil se lyf is oortrek met handsak materiaal.
• Hy kan sy stert afgooi as hy skrik, maar dit gebeur nie sommer nie , want ‘n krokodil skrik vir niks.
• ‘n Krokodil bly onder die water , want as jy so lelik was , sou jy ook onder die water gebly het.
• Dit is goed dat ‘n krokodil in die water bly , want ‘n mens skrik so groot as ‘n krokodil jou vang, dat hy jou eers moet afspoel voordat hy jou kan eet.
• ‘n Krokodil is glad nie so gevaarlik soos mense se nie , behalwe as hy jou bykom.
• Hoe langer hy jou byt, hoe seerder word dit.
• Baie ou krokodille suig hulle prooi dood.
• As jy hom eet, is hy ‘n krokosatie.
• ‘n Krokodil het nie geleer om met sy arms te swem nie , nou gebruik hy sy stert.
• Die klein boetie van die krokodil is die likkewaan.
  Die stadige sussie van die krokodil is die trapsuutjies.
  Die mooi broer van die krokodil is die daffidil.
  En dan het die krokodil nog ‘n dooie boetie wat ‘n mens kan eet , die frikkidel.