Ek is MAL oor die somer en lente, die weer hier is altyd heerlik warm. Ek is dood gelukkig hier waar ek bly, tog sal ek net nader aan die universiteit wil wees.
Ek is ‘n student by die Universiteit van Pretoria en oor naweke doen ek promotions en werk vir die company SAS Models. Met klastye wat van dag tot dag verskil maak ek nogsteeds ‘n tydjie om vinnig met vriende op te vang. Verder swot ek by die huis. Ek is ‘n energieke mens wat die meeste uit elke dag wil kry.
Tussen in my werk en studies probeer ek tyd maak vir almal. Ek kuier gewoonlik in Hatfield Square saam met vriende, soms vinnig in die week andersins oor die naweek. Family-time is altyd by die huis oor naweke.
Die beste van my area? Dis nie so besig soos in die stad waar ek meeste van my dag spandeer nie, dis veel rustiger.
Top dinge om te doen? Selde dat ons ooit hier kuier, maar as ons ietsie hier wil doen, dan is fliek, iets gaan drink by ‘n restaurant of sommer kuier by vriende se huise eerste op die lys.
Hoe, en wat sal jy verander? Beslis beter kohesie bevorder om mense saam te bring om meer saam te doen. Ek sou bloot eers uit vind wat mense in die omgewing wil doen of benodig, voor enige doelbewusde stappe geneem kan word..
