Ek onthou nog my eerste dag toe ek saam met my man dorp toe is, ek moes my swart rok aantrek en daar was groot gespottery onder my en my dogter. In die dorp uitgeklim storm ‘n Arabiese man my en se: “You must cover up, cover up”, en hy wys so na my rok wat van my knieë af oop is. Glo my, ek het myself boeglam geskrik vir die arrogante man. Onmiddellik is ons in ‘n winkel in waar hulle die rokke verkoop en kry toe vir my een wat ek oor my kop moet trek en toe is tot heel onder.
Ons bly in n compound waarvan daar 160 huise is. Daar ly van alle rasse en was lekker om hulle te leer ken. Ek verstom my aan elkeen se kultuur. Die lekkerste van ons compound is, dat ons tien Suid-Afrikaner gesinne is wat daar bly.
Vergelyk ?
Ek dink ons Suid-Afrikaners kan baie daar by hulle gaan leer hetsy dit leefstyl is of Godsdiens. Die Arabiere bid tenminste sewe maal per dag. Nou gaan jy my vra, maar hoe maak hulle geld as hulle besighede toesluit sewe maal per dag? Hulle besighede floreer want dis presies ‘n 10de wat hulle afstaan aan God.
Suid-Afrika is my land!
Ons kom kuier een maal ‘n jaar vir die kinders in Pretoria, die eerste wat ek do en is, skop skoene uit en stap’ n ruk oor die lekker nat groen gras. Te lekker om vriendelike gesiggies te sien en nie net ogies wat uitsteek nie. Ek sal altyd lief wees vir SA!
